Nor gara - Goiena Komunikazio Taldea

KOOPERATIBA GARA

Goiena Komunikazio Taldea Debagoienean kokatuta dagoen euskarazko komunikazio-enpresa da. 2000. urtean sortu zuten Debagoieneko euskaltzaleen elkarteek, eskualdeko euskarazko komunikabideak indartu eta garatzeko asmoarekin.

Irabazi-asmorik gabeko kooperatiba bitarikoa da Goiena: Debagoieneko euskara elkarteek, eskualdeko udalek eta Goienako langileek osatzen dute bazkidetza-sarea. Guztien arteko indarrak batuta, komunitate oso baten proiektua da Goiena.

Goienaren jarduna Debagoieneko bederatzi herrietan gauzatzen da: Antzuolan, Aramaion, Aretxabaletan, Arrasaten, Bergaran, Elgetan, Eskoriatzan, Leintz Gatzagan eta Oñatin. 63.000 biztanlerengana iristen da; herriotako bizilagunen %70ek egiten dute berba edo ulertzen dute euskara. Halaber, Debagoienetik kanpoko irismena ere badu komunikazio-enpresak.

EUSKARA ARDATZ

Gertutasunez eta sinesgarritasunez jarduten dugu, euskara eta euskaltzaletasuna oinarri hartuta. Goiena ez da soilik albisteak kontatzeko tresna: komunitatearentzat erreferentzia, ispilua eta zubia ere bada.

KOMUNITATEA OINARRIAN

Pertsonen eta erakundeen arteko harremanak sendotzea dugu misio; aisia, kultura eta elkarbizitzarako bide berriak jorratuz. Horregatik, komunikatzeko eta egiazko informazioa jasotzeko beharra duten guztien ahotsa izan nahi dugu, beti gardentasunean eta lankidetzan.

ERREFERENTE LEHEN, ORAIN ETA GERO

Eskualdean errotuta gaude, baina gure begirada irekia da. Hala, hurbileko komunikazioari eta euskararen normalizazioari bide berriak zabaltzeko, aitzindari eta erreferente izaten jarraitzeko konpromiso irmoa daukagu.

Gure filosofia

Hedabideen artean erreferente izaten jarraituko duen euskarazko hedabide komunitario, sinesgarri, euskaltzale, gertuko, berritzaile, gizarte eragile aktiboa; ohiko esparru geografikoaz gaindi ere garatzeko bokazioa duena elkarlanean.

BISIOA

Debagoienetik pertsona eta entitateen arteko komunikazio-beharrak asetzea eta aisia, kultura eta elkarbizitzarako bideak lantzea, euskara ardatz, elkarlanean oinarriturik eta era guztietako euskarri komunikatiboez baliatuz.

MISIOA

Komunitateko pertsona eta erakundeen komunikatzeko eta egiazko informazio sinesgarria edukitzeko premiei erantzutea, balio kooperatiboak eta euskara ardatz hartuta.

ASMOA

Balioak

01. Euskararekiko konpromisoa

Gure lan-esparru guztietan euskaraz jardutera eta hizkuntza zaindu eta egokia erabiltzera bultzatu behar gaituena.

04. Eredu parte-hartzailea

Kooperatibako langile zein laguntzaileen eta gizarteko talde edo eragileen partaidetza eta konpromisoa sustatu eta bideratzeko.

07. Aitzindaritza

Hurbileko komunikazioari eta euskararen normalizazioari bide berriak zabaltzeko.

02. Komunikazio arin eta etengabea

Bai kooperatiba barruko kideen artean eta baita Goienaren eta gizartearen artean.

05. Lankidetza

Gure helburuekin bat egiten duten eskualdeko nahiz eskualdez kanpoko gizarte-ekimen, administrazio nahiz hedabideekin, gardentasunean eta elkarrenganako errespetuan oinarrituta.

08. Herritar guztiei irekia

Herritar guztien eskura egonik, gizartearen baitako desberdintasunak murrizteko.

03. Eskualdearen garapena

Eskualdearen gizarte kohesioa eta komunitate zentzua bizkortzeko jarrera aktiboa.

06. Autonomia

Pentsamolde guztiekiko, gogoeta propioan oinarrituta.

[ profesionaltasuna ]